Терджимеиал
Басмакъ ичюн версион
КОНСТАНТИНОВ Владимир Андреевич КъМДж Юкъары Шурасынынъ Реиси
Регионлар фыркъасынынъ азасы 1956 сенесининъ ноябрь 19-да Молдавия ССДж Слободзея районынынъ Владимировка к. догъгъан. 1979 сенесинде Севастополь джихаз къуруджылыгъы институтынынъ Симферополь шубесинде «санайы ве эали къуруджылыгъы» ихтисасы боюнджа алий тасиль алды. Къырым табиаткъорув ве курорт къуруджылыгъы институтынынъ шерефли профессоры. 1973 сенесинде Бахчисарай районынынъ Научный шчкъ умумтасиль мектебини окъуп битирди. 1973 сенесининъ сентябрь айында Симферополь шеэрининъ «Къырымкъуруджмальземе» трестнинъ Альма къуруджылыкъ мальземелери комбинатынынъ таш кесиджи машинада айдайыджынынъ ярдымджысы оларакъ эмек фаалиетини башлады. 1974 сенесининъ сентябрь айындан 1979 сенесининъ июль айына къадар — Севастополь джихаз къуруджылыгъы институтынынъ Симферополь шубесининъ студенти. 1979 сенесининъ август айындан октябрь айына къадар — Симферополь шеэрининъ Къырым тамирлев-къуруджылыкъ идарелигининъ устасы. 1979 сенесининъ ноябрь айындан 1981 сенесининъ июнь айына къадар — ССДжБ Силялы Къуветлеринде хызмет. 1981 сенесининъ август айындан 1982 сенесининъ апрель айына къадар — уста, 1982 сенесининъ апрель айындан 1986 сенесининъ октябрь айына къадар — ишлер истисалджысы, 1986 сенесининъ октябрь айындан 1989 сенесининъ январь айына къадар — баш муэндис, 1989 сенесининъ январь айындан 1991 сенесининъ июнь айына къадар — «Укртамиркъуруждмальземелери» трестнинъ Къырым махсуслаштырылгъан тамирлев-къуруджылыкъ идарелигининъ башлыгъы. 1991 сенесининъ июнь айындан 1993 сенесининъ июнь айына къадар — «Консоль» иджаре ширкетининъ баш мудири. 1993 сенесининъ июль айындан 1998 сенесининъ август айына къадар — баш мудир, 1998 сенесининъ август айындан 2001 сенесининъ сентябрь айына къадар — президент-реис, 2001 сенесининъ сентябрь айындан ноябрь айына къадар — «Консоль ЛТД» ширкетининъ МСДж идаресининъ реиси. 2001 сенесининъ декабрь айындан 2004 сенесининъ август айына къадар — «Укрросбуд» топлулыкънынъ реиси. 2004 сенесининъ август айындан — «Укрросбуд» топлулыкънынъ президенти. 2010 сенесининъ март айындан — Къырым Мухтар Джумхуриети Юкъары Радасынынъ Реиси. Эвли, эки баласы бар.
Мукяфатлары:
1999 сенеси — «Украинада нам къазангъан къуруджы» шерефли унван, «Къырым Мухтар Джумхуриетинде нам къазангъан
къуруджы» шерефли унван;
Къырым Мухтар Джумхуриети Назирлер Шурасынынъ Фахрий ярлыгъы;
Украина Православ кильсесининъ нишаны; 2000 сенеси — Украина ички ишлер Назирлигининъ Фахрий бельгиси; 2001 сенеси — «Хызметлери ичюн» III дередже нишаны;
2002 сенеси — «Джемиет итирамы фонду» Халкъара хайрие
тешкилятынынъ джемиет итирамы фахрий бельгиси; 2004 сенеси — «Хызметлери ичюн» II дередже нишаны;
2006 сенеси — «Хызметлери ичюн» I дередже нишаны;
Мимарлыкъ саасында Украина Девлет мукяфаты;
2007 сенеси — Ярослав Мудрый князьнинъ V дередже нишаны. Къырым Мухтар Джумхуриети Юкъары Радасынынъ 1998—2002 сенелери, 2006—2010 сенелери чагъырышларнынъ депутаты. 2010 сенесинден — Къырым Мухтар Джумхуриети Юкъары Радасынынъ алтынджы чагъырышнынъ депутаты.
|
.jpg)